Poeme-France : Les Poètes

Poésie : Riche d'espoir et povre d'autre bien

Écrit par Alain Chartier

Riche d'espoir et povre d'autre bien,
Comblé de dueil et vuidé de liesse,
Je vous supply, ma loyalle maistresse,
Ne me tollez ce que je tiens pour mien.

Si je le pers, je n'auray jamais bien :
C'est l'espargne de toute ma richesse,
Riche d'espoir et povre d'autre bien.

Souffrir pour vous, hélas, je le vueil bien
Je n'ay rien mieulx que le mal qui me blesse ;
J'ayme trop mieulx l'endurer qu'il me laisse,
Mais que Pitié me retiengne pour sien,
Riche d'espoir et povre d'autre bien.

Mis en favori par

Aucun membre a mis cet écrivan en favori.