Poeme-France : Les Poètes

Poésie : Qui a toutes ses hontes beues

Écrit par Charles D'orleans

Qui a toutes ses hontes beues,
Il ne lui chault que l'en lui die,
Il laisse passer mocquerie
Devant ses yeulx, comme les nues.

S'on le hue par my les rues,
La teste hoche a chiere lie.
Qui a toutes ses hontes beues,
Il ne lui chault que l'en lui die.

Truffes sont vers lui bien venues ;
Quant gens rient, il fault qu'il rie ;
Rougir on ne le feroit mie ;
Contenances n'a point perdues,
Qui a toutes ses hontes beues.

Mis en favori par

Aucun membre a mis cet écrivan en favori.