Poeme-France : Les Poètes

Poésie : Sur la louange de la Paix - Sonnet 2

Écrit par Jean Dorat

Qu'est il besoing de tant la Paix crier
Par les cantons des villes et villettes ?
Qu'est il besoing d'huissiers ne de trompettes
Pour la Paix faicte en France publier ?

Il vaudroit mieux, en criant, Dieu prier
Qu'il la gardast de troubles inquietes ;
Il vaudroit mieux en chantant chansonnettes,
Vive le Roy porte-paix, s'escrier.

Sans autre bruit assez est publiée
La Paix, de ceux, qui mille et mille fois
La desirans ont faict si grans aboys.

Sans autre cry assez ja est criée
La Paix, de ceux, qui l'ont si hault priée,
Que Dieu au ciel en a ouy la voix.

Mis en favori par

Aucun membre a mis cet écrivan en favori.