Poésie : Sur la louange de la Paix - Sonnet 5

Écrit par Jean Dorat

D'aultant que nostre esprit qui toutes choses domte,
Est plus noble et divin que n'est le corps humain :
D'aultant force de corps et de pied et de main.
A force d'esprit cede, et de ceder n'a honte.

Et d'aultant que l'esprit en nous le corps surmonte,
Et plus au pris de Dieu tout nostre esprit est vain :
Qui d'erreur, d'ignorance, et de vanité plain,
En pensant faire bien, souvent il se mesconte.

Car alors que Dieu veult de sa main un coup faire,
Il le faict en un temps moins propre à le parfaire,
Afin de demonstrer que c'est lui qui l'a faict.

Quand moins on esperoit qu'aucun accord peut plaire
Par tout discours humain, lors Dieu tout au contraire
Il a CHARLES par vous ce miracle parfait.

Mis en favori par